Аймгийн хүнс, барааны худалдааны төвүүд, хүнсний дэлгүүрүүд, ил задгай, гар дээрх худалдаанаас түүхий самар, жимс ихээр худалдаалах болсон. Болц гүйцээгүй самар нь давирхай ихтэй учраас нян, вирус, бохирдлыг амархан татдаг. Тиймээс түүхий самар жимс идсэнээр халдварт шар, гэдэсний бусад хурц халдварт өвчин тархах гол нөхцөл болж, эрүүл мэндэд сөргөөр нөлөөлдөг. Иймээс иргэдийг түүхий самар түүх болон бохир, ариун цэврийн шаардлага хангаагүй орчин нөхцөлд боловсруулах, худалдан борлуулах, хүнсэндээ хэрэглэхгүй байхыг сэрэмжлүүлж байна.